პროფესიულ პროგრამებზე საბუთების მიღება დაიწყო

პროფესიულ პროგრამებზე ჩარიცხვის მიზნით, აპლიკანტებმა 4 ოქტომბრიდან 7 ოქტომბრის ჩათვლით უნდა წარმოადგინოთ  შემდეგი საბუთები:

ა) სარეგისტრაციო განცხადება (ივსება საბუთების ჩაბარების დროს);

ბ) პირადობის დამადასტურებელი დოკუმენტის (პირადობის მოწმობის/ID ბარათის) ასლი და დედანი (უცხო ქვეყნის მოქალაქეობის შემთხვევაში – პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) 2 ფოტოსურათი 3×4 და შესაძლებელია მისი ელ. ვერსია (CD/DVD დისკზე);

დ) საბაზო განათლების დამადასტურებელი დოკუმენტი იმ აპლიკანტებისთვის, რომლებსაც სურთ ჩაირიცხონ საშუალო საფეხურის იმ საგანმანათლებლო პროგრამაზე, სადაც ინტეგრირებულია ზოგადი განათლების საშუალო საფეხურის სწავლის შედეგები;

ე) მინიმუმ სრული ზოგადი განათლების დამადასტურებელი დოკუმენტის (შესაბამისი განათლების სხვა ქვეყნის საგანმანათლებლო დაწესებულებაში მიღების შემთხვევაში – განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტის) სანოტარო წესით დამოწმებული ასლი.

6.სპეციალური საგანმანათლებლო საჭიროების მქონე პირებმა დამატებით უნდა წარმოადგინონ:

ა)საქართველოს განათლების და მეცნიერების სამინისტროს მულტიდისციპლინური გუნდის შეფასების ფორმა;

ბ) სენსორული (სმენის და მხედველობის) დარღვევის შემთხვევაში: ბ.ა) აუდიოგრამა (სმენის დარღვევის შემთხვევაში); ბ.ბ) ოფთალმოლოგის მიერ გაცემული ცნობა (მხედველობის დარღვევის შემთხვევაში);

გ) ქცევითი და ემოციური აშლილობის შემთხვევაში, უფლებამოსილი სპეციალისტის მიერ გაცემული სამედიცინო ცნობა;

დ) შეზღუდული შესაძლებლობის მქონე პირის სტატუსის დამადასტურებელი დოკუმენტი (ასეთის არსებობის შემთხვევაში).

ე) მეურვის არსებობის შემთხვევაში დამატებით წარსადგენია: ე.ა) მეურვის პირადობის დამადასტურებელი დოკუმენტის (პირადობის მოწმობის/ID ბარათის) ასლი და დედანი; ე.ბ) მეურვეობის დამადასტურებელი დოკუმენტი;

საბუთების წარდგენა შესაძლებელია 10 საათიდან 18 საათამდე შემდეგ მისამართზე: თბილისი, დ.უზნაძის ქ. #68.