დაიწყო საბუთების მიღება პროფესიული სტუდენტის სტატუსის მოსაპოვებლად

2020 წლის მიღებაზე ჩასარიცხი აპლიკანტების საყურადღებოდ: დაიწყო საბუთების მიღება პროფესიული სტუდენტის სტატუსის მოსაპოვებლად.

დოკუმენტების წარდგენა შესაძლებელია 29 სექტემბრის ჩათვლით.

 სავალდებულოდ წარსადგენი დოკუმენტებია:

ა)  სარეგისტრაციო განცხადება (ივსება საბუთების ჩაბარების დროს);

ბ)  პირადობის დამადასტურებელი დოკუმენტის (პირადობის მოწმობის/ID ბარათის) ასლი და დედანი (უცხო ქვეყნის მოქალაქეობის შემთხვევაში – პასპორტის/პირადობის მოწმობის ასლი და სანოტარო წესით დამოწმებული თარგმანი);

გ)  2 ფოტოსურათი 3×4 და შესაძლებელია მისი ელ. ვერსია (CD/DVD დისკზე);

დ)  მინიმუმ სრული ზოგადი განათლების დამადასტურებელი დოკუმენტის (შესაბამისი განათლების სხვა ქვეყნის საგანმანათლებლო დაწესებულებაში მიღების შემთხვევაში – განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტის) სანოტარო წესით დამოწმებული ასლი.

არასრულწლოვანი პირის შემთხვევაში: 

ა)  სარეგიტრაციო განცხადება არასრულწლოვანი პირის შემთხვევაში შეივსება მისი კანონიერი წარმომადგენლის მიერ.

ბ)  არასწრულწლოვნის დაბადების მოწმობის ასლი;

გ) მშობლის/კანონიერი წარმომადგენლის პირადობის მოწმობის ასლი;

დ) მეურვის შემთხვევაში – მეურვეობის დამადასტურებელი დოკუმენტი.

საბუთების წარდგენა შესაძლებელია კოლეჯის ადმინისტრაციაში 10 საათიდან 18 საათამდე, მისამართი: დ. უზნაძის ქ.#68, მე-4 სართული, საკონტაქტო ნომერი: 032 291 02 60.